في راديو مباشر نرحب اليوم بالأستاذ/ محمد فؤاد المحلل المالي بشركة برايم كابيتال لتداول الأوراق المالية.- أهلا بيك أستاذ محمد.- أهلا بيك يا فندم.
- أستاذ محمد يسير السوق المصري اليوم في اتجاه عرضي ليسجل مستوى 10985 نقطه تحليل حضرتك إيه لتعاملات السوق خلال جلسة اليوم؟
- والله السوق النهارده كان أقل نشاطا من أمس وأول أمس أعتقد إن إحنا اتحركنا في فليوم حوالي 1.6 أو قرابة الـ1.7 مليار جنيه مصري في ترقب شويه وحذر من بعض المستثمرين نتيجة لتراجع الكاس أو مؤشر البورصة مرة أخرى تحت نقطة الـ11 ألف نقطه إحنا كنا تجاوزنا الـ11000 قرابة 11080 لـ11100 وبدأنا نتراجع أمس تراجعنا قرابة الـ100 نقطه وصلنا إلى 10850 أو 10800 يوجد نقطة Support قوية عند 10700 نقطه أعتقد إن إحنا مش هاننزل تحت كده بالعكس أنا متوقع إن إحنا نعاود نقطة الصعود مرة أخرى لفوق الـ11000 متجهين إلى 12000 إن شاء الله.
- ده له أسباب في تخيل حضرتك يعني؟
- ده له أسباب في تخيل حضرتك يعني؟
- والله أنا شايف إن هو Fundamental السوق طبعا مش كل الأسهم الموجودة في السوق قوية لكن هو اسبابه الفليوم العالي اللى هو إحنا شايفينه قرابة 2 مليار ديه ظاهرة جديدة طرأت على البورصة في الأيام الأخيرة القصيرة الأخيرة الماضية يعني ارتفاع الفليوم تصحيح السوق لقطاعات وقطاعات لأ يعني تناوب صعود الأسهم وتراجع أسهم أخرى عمل نوع من أنواع الثبات في مؤشر السوق ما بينزلش بسهولة في حين ارتفاع في بعض القطاعات بيبقى في انخفاضات في قطاعات أخرى توازن قوي في السوق وخليها ما بيتحركش Down بسهولة لما يكون في قطاعات تتحرك هبوطي جدا الأموال تتجه لقطاعات تانيه فعلا تكون لسه ما ارتفعتش تبدأ ترتفع فبيحصل نوع من أنواع التوازن في السوق الحاجة الثانيه تواجد الأجانب بقوة في السوق وديه ظاهرة طيبة جدا تواجد العرب ظاهرة كويسه المصريين نفسهم كمؤسسات وأفراد عندهم ثقة في السوق السوق لسه في أخبار أعتقد إنها جيدة حول الخصخصة في 2008.
- طيب النهاردة تصدرت أسهم المضاربات قائمة الأسهم الأكثر ارتفاعا من خلال التعاملات تفسير حضرتك لده إيه؟
- طيب النهاردة تصدرت أسهم المضاربات قائمة الأسهم الأكثر ارتفاعا من خلال التعاملات تفسير حضرتك لده إيه؟
- والله هي مش كلها اسهم مضاربات هو أسهم المضاربات نشطت في الفترة الأخيرة والكلام ده كان مفهوم وهي ديه الظاهرة الوحيدة اللى أنا شايفها غير صحية يعني إن السوق كل ما يكون مستقر كل ما يكون التعامل على الأسهم كبيرة الحجم اللى فيها ميزانيات قوية ظاهرة المضاربة دية هي الظاهرة السيئة الوحيدة اللى في السوق الفترة الحالية لكن في أسهم برضه كانت قوية وكانت متصدرة زي المنتجعات النهارده الورقة رقم واحد في التنفيذ كانت المنتجعات المنتجعات في Fundamental كويس ما يعتبرش سهم مضاربة بقدر ما هي سهم قوي يعني كان في برضه بعض الأسهم زي أسيك واتضح بعد الجلسة إن في أخبار جيدة عليها إنها بتفتح شركة في الجزائر أو في اتجاهها لعقد شراكة مع إحدى شركات الجزائر تمتلك هي فيها نسبة 70% كان في موبنيل ومومبينيل من الأسهم القوية اللى اتجهت لأعلى بنسبة مقبولة أوراسكوم 7% تقريباوموبينيل برضه مش أسهم مضاربات لكن أسهم المضاربة ده وضع طبيعي نتيجة إن السوق عموما عندنا نصيب الـ Retailفيه اكثر من 50%.
- طيب نتحول مع حضرتك لمجموعة من الشركات النهارده انتهت شركة الجيزة العامة للمقاولات من إجراءات زيادة رأس المال المجاني تقييم حضرتك لأداء السهم؟
- طيب نتحول مع حضرتك لمجموعة من الشركات النهارده انتهت شركة الجيزة العامة للمقاولات من إجراءات زيادة رأس المال المجاني تقييم حضرتك لأداء السهم؟
- والله الجيزة أنا من وجهة نظري هو الـ Sector عموما بتاع المقاولات في مصر والعقارات أعتقد إن هو مش هايخد اتجاه صعودي بالسرعة اللى ناس متخيلها الفترة الحالية هو بالفعل Sector خد صعود بما يكفيه تجزئة السهم لـ5 في الجيزة أنا كنت شايف من وجهة نظري هو غير مبرر مفيش ما يستدعي تجزئة السهم السهم سعره مش غالي جدا هو فيما بين الخمسين والأربعين وأنا شايف إن الأرقام دية مفيش ضرورة قصوى لتجزئة سهم الجيزة إذا كان السهم ده محتاجين نجزأه من خمسه جنيه لجنيه طيب نعمل إيه في سهم زي اسيك أو سهم زي افيك أو سهم اسكندرية لتداول الحاويات اللى 240 يعني أنا شايف هو مش بالضرورة إن يكون السهم يطلب تجزأته فيجزأ ممكن ما يجزأش في الفترة الحالية مش شايف إن في ضرورة لتجزأته يعني مفيش عائق أمام السهم يضطرنا لتجزأته لكن ديه طبعا رغبة المساهمين الهيئة استجابة ليها طبعا هي بتبقى تأثير إيجابي لأنها بتخلي السهم معدل دورانه أكبر وأسرع اللى هي بيسموها Liquidity بتكون أسهل فبيبقى السهم فيه تداول أكثر وحجم أكبر من الفيلوم والكلام ده بيجذب الناس أكثر لأنه بيسمح بالدخول والخروج من السهم بسهولة بدون عناء يعني.
- طيب موبينيل وصلت لمستوى سعر جديد لم تصل إليه من قبل 239 جنيه رؤية حضرتك إيه للسهم الفترة اللى جيه؟
- طيب موبينيل وصلت لمستوى سعر جديد لم تصل إليه من قبل 239 جنيه رؤية حضرتك إيه للسهم الفترة اللى جيه؟
- والله هو موبينيل من الواضح إن هو في اتجاه أعتقد إن هو هايبقى تصاعديا وهو بيتوجه لأعلى كان في كلام كثير وشائعات في السوق حول تغير في شكل مساهمين السهم قيل إن اوراسكوم تليكوم في اتجاهه للاستحواذ على موبينيل بنسبة 100% وأنكرت سمعنا إن الشركة الأخرى المستحوذة على الـ50% رفضت إن هي تبيع في كلام كثير ان اوراسكوم تليكوم احتمال تستحوذ على موبينيل بالكامل وده وارد لأن من وجهة نظري ميزانية أوراسكوم تلكيوم فيها القدر الكافي اللى يسمح لها إنها تستحوذ إذا أرادت على موبنيل وطبعا أكيد في الحالة دية هايبقى في إعادة تقييم اكيد سعر السهم فيها مش زي ما إحنا شايفينه على الشاشه.
- ممكن يكون قد إيه تقريبا؟
- ممكن يكون قد إيه تقريبا؟
- قد إيه ديه محتاجه نرجع Fundamental .
- توقعك يعني؟
- توقعك يعني؟
- أعتقد إن هو يبقى قرابة الـ300 جنيه
- طيب اعتمدت شركة العالمية للاستثمار الجمعية العامة غير العادية لزيادة رأس المال تقييم حضرتك إيه لأداء هذا السهم برضه؟
- طيب اعتمدت شركة العالمية للاستثمار الجمعية العامة غير العادية لزيادة رأس المال تقييم حضرتك إيه لأداء هذا السهم برضه؟
- والله العالمية للأسف هو سهم عمره مش طويل في البورصة المصرية ظهر فجأه وقعد فتره طويلة من الزمن يطلع من أرقام ضعيفة طلع لقرابة الـ300 جنيه تقريبا وبعدها نفت الشركة أو صدر ما يفيد بنفي زيادة رأس المال الارتفاع ده كان تحت شائعة إن في أسهم مجانية وبعدين أتكدب وجود أسهم مجانية أو تجزئة وبدأ السهم يتراجع مرة ثانية تراجع بنسبة تجاوزت الـ40 أو الـ50% السعر اللى كان وصله وأخيرا هموا أقروا زيادة في رأس المال مجانية بواقع سهم لكل خمس أسهم هو أغلب الفئات اللى تعاملت على هذا السهم كانت من المضاربين أثيرت بسببه أعتقد مشاكل كثيرة في البورصة ودخلت تحقيقات وأنا اعتقد إن هو مفهوش مؤسسات بتداول على السهم بقدر ما هو فيه مضاربين.
- طيب نتنقل مع حضرتك أستاذ محمد لقطاع الغزل والنسيج اللى بيشهد حركة إيجابية في معظم الأسهم خاصة العربية لحليج واللى وقعت مذكرة تفاهم للاستحواذ على أربع شركات في مجال صناعة الأقطان تقييم حضرتك إيه لأداء هذا السهم بالتحديد والقطاع بشكل عام؟
- طيب نتنقل مع حضرتك أستاذ محمد لقطاع الغزل والنسيج اللى بيشهد حركة إيجابية في معظم الأسهم خاصة العربية لحليج واللى وقعت مذكرة تفاهم للاستحواذ على أربع شركات في مجال صناعة الأقطان تقييم حضرتك إيه لأداء هذا السهم بالتحديد والقطاع بشكل عام؟
- والله هو قطاع الأقطان أو قطاع الغزل والنسيج أنا أعتقد إن هو في البورصة المصرية في الآونة الأخيرة يحق له التحرك أو التجاوب مع السوق لأن هو بقالها قرابة العام رغم التحرك والاتجاه الصعودي اللى سلكته البورصة المصرية في الفترة الأخيرة إلا أن هذا القطاع مستجبش للصعود اللى كان بيحصل للبورصة وما استجابش لتطورات بشكل الاتجاه الصعودي حتى لمؤشر البورصة نفسه العكس ثبت القطاع ده لحقبة طويلة من الزمن دون تأثر وكأنه مش موجود في البورصة معنا في الفترة الأخيرة بدأ يحدث نوع من أنواع التجاوب البسيط لما حدث رد الفعل للإعلان اللى حصل للعربية لحليج الأقطان إن أحدى شركاته في الطريق للاستحواذ على أربع شركات الغزل والله أنا شايف إن القطاع نفسه واعد ينقصه إن هو يعاد هيكلة زي ما بيحدث في العربية لحليج الأقطان وينظم بطريقه جيده إذا كان في أراضي في بعض الشركات غير مستغلة تتباع استحداث أدوات حديثه لتطوير القطاع لكن هو النشاط في حد ذاته ممكن يكون في مجال ان هو يتحرك القطاع في السوق في الفترة الأخيرة او الفترة المقبلة ان شاء الله لأنه مخدش حظه من الصعود في وسط موجة الصعود اللى كان قائمة في العام الماضي.شكرا جزيلا لحضرتك الأستاذ/ محمد فؤاد المحلل المالي بشركة برايم كابيتال لتداول الأوراق المالية.- اشكرك
